La vicenda della lista nera dei giornalisti considerati avversari “scomodi” del primo cittadino di Venezia conosce un clamoroso sviluppo con la diffusione, dagli uffici del sindaco Luigi Brurgnaro a Mogliano Veneto, di una nota a sua firma che smentisce quanto riportato dai media locali e stigmatizzato da ytali, chiarendo che si tratta piuttosto di una classifica e indicando criteri e modalità della sua realizzazione.
Qui si seguito il testo:
COMUNICATO STAMPA
Oggetto: La presunta “Lista Nera”
In merito ai articoli aparsi sula stampa che me acusa de aver fato ‘na lista nera dei giornalisti, tengo a smentir categoricamente ogni insinuassion. No xè vero, no ghe xè nissuna lista nera! Xè solo una classifica.
Mi capisso che qualchedun possa confonderse e anca eserghe rimasto mal, ma la diferensa xè fondamental: nela lista nera ti ghe finissi, voente o noente, sensa possibilità de scampo; nela classifica, invesse, ti te guadagni un posto co’ onor e sacrifissio. Xè meritocrazia, bellezza!
Adesso, xè possibile che no tutti i sia d’accordo sul punteggio o sulla posission che ghe xè stada assegnada. Me spiaze? No. Ghe tegno a precisar che l’assegnassion dei punti xè stada fata secondo criteri rigorosi, equi e condivisi (co’ me stesso). La trasparensa xè tuto.
Sento già qualchedun che rumega che el metodo no xè proprio ciarissimo. Ah, caro mio, qua se tratta de sensibilità e finessa, no de matematica. No se pol ridur tutto a formue numeriche: xè un’arte. Se gavé bisogno de spiegassion, so’ sempre disponibile a spiegarve tuto davanti a un’ombra de vin. Ma che sia bon, perché me toca già sopportar le proteste dei giornalisti de m***a – co’ rispetto e simpatia – almanco che el vin sia bon.
Naturalmente, come in ogni competission che se rispeta, ghe xe chi sta in alto e chi resta indrio. A chi se ga sentio ingiustamente in fondo alla classifica, ghe dico: coraio, se pol sempre far megio. Lavorè sodo e vedarè che podè river in testa alla classifica.
Perché sì, la classifica no xe scolpia nea piera, la se pol scalàr.
E per concluder, vogio rassicurar tuti: no ghe xe premi in schei. No ghe xè nianca un trofeo, ‘na copa o ‘na medagia. Se proprio volè, posso farve un attestato stampà su carta, ma oltre a quelo, solo gloria imperitura e forse, se proprio insistè, un giro de ombre pagà.
ICVV
Il Sindaco
L’articolo Il sindaco: “No ghe xè nissuna lista nera!” proviene da ytali..
4uMagazine
